Velkomen til....

 

 

 

|Adresse 5780 Kinsarvik | Tlf. 53 66 35 19 | Mobil. 93 06 98 03|Org.nr 969 228 MVA |E-post: kariope@kinsarvik.net|

 


PLANTELISTE

Klikk her for å få fram plantelisa for 2012 (v/utskrift,-bruk liggjande format og 60% av full skjerm for å få skriva ut heile sider)

TEIKNFORKLARING  OG  MERKNADER:

BOTANISK NAMN : Eg prøver å ha rett namn på plantene,men av og til er det uklarheiter når det gjeld dette.Nokon planter har gjerne hatt fleire namn,og eg kan ikkje garantera at alt vert 100% rett.

* Ei stjerne ved det botaniske namnet tyder at den sorten har eg ikkje så mykje av.Eg kan vera tom i ein periode,og kan evt.laga på bestilling.

HØGD på plantene som står på lista stemmer ikkje alltid.Det vil variera etter jordtype,gjødsling,ljosforhold m.m.

BL.MND. = Blømingsmnd. Her òg er det lokale variasjonar etter korleis vekseforholda er.

LJOS:  O = sol   Ø = halvskugge   S = skugge. Dette er òg meint som ei rettesnor.Nokon planter som i staudebøker er oppgjeve til sol,kan godt tåla halvskugge og bløma rikt.Og dei fleste skuggeplanter kan godt stå i sol,berre dei får nok fuktigheit.Prøv deg fram i eigen hage.

FORM.M. = Formeiringsmåte som er brukt. F = frø (det kan vera variasjon i vekst og blomefarge). V = vegetativt (stiklingar eller deling).

HARDF.H. = Hardførheit. Me har 7 klimasoner her i landet,frå H2-H8. Planter merkt med H8 er hardføre i heile landet,medan planter oppgjeve med H2 berre klarar seg på dei lunaste stadene.Men det finst lokale variasjonar,og mange stauder som "etter boka" ikkje skulle ha overvintra,klarar seg på stader med hardt klima.

PRISGR. = Prisgruppe.   Gruppe 1: Kr. 40,-    Gruppe 2: Kr.45,-    Gruppe 3: Kr.50,-    Gruppe 4: Kr.55,-    Gruppe 5: Kr.60,-    Gruppe 6: Kr.70,-

Prisane er inkludert m.v.a.Eg tek atterhald om prisendringar på enkelte sortar (nokon skiftar f.eks.pottestorleik i løpet av sesongen).

* Ei stjerne v/ prisgr.tyder at pottestorleiken er 11x11 cm eller større.   

MERKNAD / BRUK : Her står litt om kva plantene kan brukast til m.m.Sjølv om det står at planta har vore brukt til medisin,så vil eg oppmoda om at ein ikkje prøver seg fram med dette på eiga hand utan å ha sett seg inn i bruken av plantene og verknaden.Nokon planter er giftige,og andre kan vera giftige i større dosar.

Eg har prøvd å samla alle staudene som har vore eller vert brukt til noko nyttig på lista under 'nyttestauder/urter' (planter brukt til mat,te,medisin,lukt,farging m.m.).Du vil gjerne oppdaga at mange av dei plantene som me har rekna som reine prydplanter har havna på nytteplante-lista.Svært mange av staudene kan brukast til både pryd og nytte.Så sjølv om du skulle vera meir interessert i stauder til pryd, -ta ein kikk på nytteplante-lista òg,-kanskje finn du noko av interesse der!

Eg skiftar litt på sortane frå år til år,sjølv om dei fleste nytteplantene er ’gjengangarar’.Seinare på sommaren har eg gjerne noko som ikkje står på vårlista.Er det sortar du saknar,så ta kontakt,-kanskje eg har el.kan produsera for seinare levering.

 BOK OM NYTTEPLANTENE

Dersom du er interessert i å vita litt meir om dei ulike urtene/nytteplantene som står på lista og bruken av dei,så har eg skrive ei bok der desse plantene og nokon andre er omtala nærmare. Boka heiter "Urtestauder til pryd og nytte",og er på ca.100 sider.I første delen er dei vanlegaste urtene til mat omtala,og i den andre delen dei andre meir el.mindre kjente urtestaudene til ulike nyttige føremål.Dei fleste plantene er vist med teikningar,slik at dei lett kan kjennast att ute i hagen. I boka er òg ein liten del med generelle opplysningar om dyrking,formeiring,gjødsling,hausting,tørking m.m.,og om ulike måtar å laga til urtene på (avkok,tinktur,uttrekk i olje m.m.).Eg har fått gode tilbakemeldingar på at boka er oversiktleg og lett å slå opp i for å finna opplysningar om kvar enkelt plante.Boka har òg vore brukt som kursmateriale.

Boka kan tingast hjå Plantetunet,og kostar kr.220,-

Det som er så fint med mange av urtestaudene er at dei er så allsidige, -dei kan brukast til både mat og medisin m.m.i tillegg til at dei har fine blomar.Og dei er historiske, -har gjerne vore brukt i tusenvis av år !

 

Klikk her for å få fram plantelisa for 2012  (v/utskrift,-bruk liggjande format og 60% av full skjerm for å få skriva ut heile sider)